ऋषिङ : तनहुँको ऋषिङ गाउँपालिकाको स्वतन्त्रबाट अध्यक्ष पदक उमेदवार श्रीराम आले मगरलाई ऋषिङ -३ नम्बर वडाको सोलुङ्ग गाउँबासीले नाचगान सहित भव्य स्वागत गरेको छ ।
अध्यक्ष पदको स्वतन्त्र उमेदवार श्रीराम आले ले कार्यक्रममा बोल्दै बैशाख ३० गते हुने चुनावमा सम्पुर्ण ऋषिङबासीले विश्वास गरेर पालिक प्रमुखमा जिताएर सेवागर्ने मौका दिएमा आफुले सरकारबाट पाउने सम्पुर्ण तलबभत्ता एक देखि ८ नम्बर वडाका गरिब, जेहेन्दार, बिरामी र विपदमा परेका व्यक्तिहरुलाई पालैपालो सहयोग गर्ने प्रतिबद्धता व्यक्त गरे ।
अब गाउँ विकास गर्नको लागि नयाँ नेतृत्वको आवश्यक छ भन्दै स्वतन्त्र उमेदवार श्रीराम आले लाई बिहिवार भएको सोलोङ, नाजुङ, दुबुङ र अर्चल्दीको कार्यक्रममा साथ दिनका लागि सयौंको संख्यामा युवाहरु संगै पुगेको थियो ।
कार्यक्रममा संविधान सभा सदस्य माननीय संसद झुल बहादुर आले मगर, नेपाली कांग्रेस रिसिङ गाउँपालिकाका सभापति तिल बहादुर थापा मगर, नेपाल पोर्चुगल सम्पर्क समाजका महामन्त्री नवीन गिरी लगायत विभिन्न व्यक्तिहरुले आ-आफ्नो भनाइहरु राखेको थियो ।
यो खबर पढेर तपाईलाई कस्तो महसुस भयो ?