चितुवाको आक्रमणबाट बन्दिपुरका दुई जना घाईते

दमौली : तनहुँको बन्दीपुर गाउँपालिका वडा नं १ स्थित बागदले शिखर डाँडामा चितुवाको आक्रमणबाट भीमलाल गरञ्जा (माईला) घाईते भएको छ ।

माईलालाई बिहान  २ः३० बजे घरमै चितुवाले आक्रमण गर्दा सामान्य घाईते भएको र निजको डुम्रेको मोती मेडिकल हल डुम्रेमा उपचार भईरहेको वडा नंं १ का अध्यक्ष एवं बन्दिपुर गाउँपालिकाका प्रवक्ता शिबकुमार श्रेष्ठले जानकारी दिए ।

हिजो मात्र सोहि ठाउँका बन्दीपुर गाउँपालिका वडा नं. ४ मा साँझ ८ः३० बजे घरमै बसी रहेको अबस्थामा ८ वर्षीया बालिका रियाना थापालाई चितुवाले आक्रमण गरी घाईते बनाएको थियो।
घाईतेको उपचार गर्ने कार्य पनि गरिरहेको वडा अध्यक्ष श्रेष्ठले बताए ।