आँबुखैरेनीले सुरु गर्याे चाडपर्व लक्षित वजार अनुगमन

दमौली :  तनहुँको आँबुखैरेनी गाउँपालिकाले चाडपर्व लक्षित बजार अनुगमन सुरु गरेको छ ।

गाउँपालिकाकी उपाध्यक्ष दुर्गा अर्याल संयोजनमा सबै नियमनकारी निकायका अधिकारी सम्मिलित टोलीले अनुगमन सुरु गरेको हो । जहाँ गाउँपालिकाले बजारमा बिक्री गर्न राखेका अखाद्य वस्तुहरू जफत गरेको छ ।

आम सर्वसाधारण नागरिकको स्वास्थ्यलाई मध्यनजर गर्दै नगरपालिकाले म्याद गुज्रिएको खाद्य सामग्री जफत गरेको गाउँपालिकाका प्रशासकीय अधिकृत विष्णु प्रसाद शर्माले बताए ।

मंगलवार गाउँपालिकाले वडा नं ३ /२ को  बजार क्षेत्रमा  रहेका किराना पसल, मासु पसल, ,फलफूल तथा तरकारी पसल, होटल लगायतका खाद्य व्यवसायिक क्षेत्रमा अनुगमन गरेको छ ।