त्रिकोणात्मक टी–२० सिरिजको पहिलो खेलमा नेदरल्याण्ड्सले नेपाललाई १३७ रनको लक्ष्य दिएको छ ।
त्रिवि क्रिकेट मैदानमा टस हारेर पहिले ब्याटिङको निम्तो पाएको नेदरल्याण्ड्ले २० ओभरमा चार विकेट गुमाएर एक सय ३६ रन बनायो । उसका लागि बास दि लिडीले सर्वाधिक ४१ रन बनाए । नेपालका सन्दीप लामिछानेले चार ओभरमा २२ रन दिएर दुई विकेट लिए । यस्तै सोमपाल कामी र शाहब आलमले एक/एक विकेट लिए ।
त्रिकोणात्मक शृङ्खला नेपाल, नेदरल्यान्ड्स र मलेसिया रहेका छन् । नेपालले पर्सि मलेसियासँग र ७ गते नेदरल्यान्ड्ससँग खेल्नेछ । यस्तै अन्तिम लिग खेलमा नेपालले बैशाख ९ गते मलेसियासँग खेल्नेछ । डबल राउण्ड रोबिनको आधारमा हुने शृङ्खलाको शीर्ष दुई टिमले उपाधिका लागि प्रतिस्पर्धा गर्नेछन् । प्रतियोगिताको फाइनल खेल बैशाख ११ गते हुनेछ ।
यो खबर पढेर तपाईलाई कस्तो महसुस भयो ?