गाेविन्द भट्टराईले भने : तनहुँको तिर्खा मेट्ने यात्रा अझै दरिलो बनाउने छौँ

दमाैली :   नेपाली कांग्रेसका तर्फबाट तनहुँ -१ का उम्मेदवार गाेविन्द भट्टराईले मतादाता रिजाउनका लागि तनहुँको तिर्खा मेट्ने यात्रा अझै दरिलो बनाउने बताएका छन् ।

तनहुँमा पानीको तिर्खा मेटाउने हुटहुटि थियो, हामीले सँगै प्यास मेट्ने सपना देख्यौँ। त्यो सपना पूरा गर्न दिनरात नभनी काम गरेको उनले दाबी गरेका छन् ।

उनले निर्वाचनका क्रममा जनताका घरदैलाेमा पुग्दा उनले भने, ‘हामीले देखेका थुप्रै सपना साकार पार्नु छ। हाम्रा मुद्दालाई केन्द्र सम्म पुर्‍याउने अवसर छ। ”

उनले थपे : यस पटक मलाई हजुरहरूको साथको सबै भन्दा धेरै खाँचो छ। सधैँ जस्तो माया पाउने छु भन्ने विश्वास पनि छ। हामी सबै मिलेर तनहुँको तिर्खा मेट्ने यात्रा अझै दरिलो बनाउने छौँ।।”

“कुवा खोज्न कतिपटक जंगल चहारेँ। योजना स्वीकृत गर्न सयौँ पटक मन्त्रालय चहारेँ ।”उनले भने ” धेरै मेहेनतले, यो क्षेत्रमा ६० भन्दा बढि खानेपानी योजना ल्याएँ। तर, तनहुँको तिर्खा मेटिएको छैन्।”