दमौली : तनहुँको ऋषिङ गाउँपालिका -८ स्थित शिव सरस्वती माध्यमिक विद्यालयको एक प्रतिनिधि मण्डलले सिकाइ जुक्ति आदानप्रदान गर्ने भन्दै शुक्रबार तनहुँ जिल्लाका नमूना विद्यालयहरुको अवलोकन भ्रमण गरेको छ ।
अवलोकन भ्रमण अन्तर्गत व्यास नगरपालिका-२ स्थित सत्यवती माध्यमिक विद्यालय र शुक्लागण्डकी- ४ स्थित पन्चमुनिदेव माध्यमिक विद्यालयले गरेका असल अभ्यास बारेमा बुझ्ने अवसर मिलेको विद्यालय व्यवस्थापन समितिका अध्यक्ष दान बहादुर श्रेष्ठले जानकारी दिए ।
विद्यालयका वार्षिक क्यालेन्डर अनुसार एक दिने नमूना विद्यालय भ्रमण गरेको प्रधानाध्यापक रमेश पुलामीले बताए।
नमुना विद्यालयकाे रूपमा आफ्नाे शैक्षिक पहिचान राख्न सफल यी विद्यालयबाट आगामी दिनमा विद्यालयकाे विकास तर्फ काेशे ढुङ्गा हुने प्रेरणा विद्यालयलाई मिलेको जनाएको छ ।
यो खबर पढेर तपाईलाई कस्तो महसुस भयो ?