खुल्ला तीज गीत प्रतियोगितामा दीपज्योति आमा समुह प्रथम

दमौली : तनहुँको व्यास नगरपालीकाले आयोजना गरेको खुल्ला तीज गीत प्रतियोगितामा दीपज्योति आमा समुह प्रथम भएको छ ।

हरितालिका तीज को अवसर पारेर आयोजना गरिएको प्रतियोगितामा १४ टिमलाई पछाडि पार्दै व्यास नगरपालिका -१ स्थित दीपज्योति आमा समुह प्रथम भएका हुन् ।

प्रतियोगितामा व्यास नगरपालिका -१३ स्थित पोखरी भञ्ज्याङ आमा समुह द्धितिय, व्यास नगरपालिका – १० स्थित दुम्सी नमूना ग्राम समुह तेस्रो भएका छन् ।

व्यास -६ का मिलन आमा समुह र व्यास -१४ साना किसान आमा समुह सान्त्वना स्थान प्राप्त गरेका छन् ।

प्रथम हुने आमा समुहले ३५ हजार , द्धितिय हुने समूहले २५ हजार , तृतिय हुने समुहले २० हजार , सान्त्वना हुने दुई समूहले १०/१० हजार र प्रमाण–पत्र प्राप्त गरेका छन् ।