बन्दीपुर धरमपानीमा जीप दुर्घटना हुदाँ  ४ को मृत्यु

बन्दीपुर: तनहुँको बन्दीपुर-४  धरमपानीमा जीप दुर्घटना हुदाँ  कम्तीमा चार जनाको ज्यान गएको गाउँपालिकाले जनाएको छ । अध्यक्ष पूर्णसिं थापाका अनुसार हटिया भन्ने स्थान बाट करिब दुई सय मिटर तल खसेको जीपमा परेर चार जनाको घटनास्थलमा नै ज्यान गएको छ ।

गाउँपालिकाले आफ्नो साधन पठाएर घाइतेहरुको उद्धार गरिरहेको अध्यक्ष थापाले  बताए । मृतकको  विवरण संकलन भइरहेको र  आफु पनि घटना स्थलमा गईरहेको उनले जानकारी दिए ।

जीपमा १२ जना सवार रहेको प्रहरी नायब उपरीक्षक युवराज खड्काले जानकारी दिए । घाइते भएकालाई उद्धार गरी बन्दीपुर अस्पताल पठाइएको उनले बताए ।

मत्यु भएकाको सनाखत हुन नसकेको प्रहरीले जनाएको छ । ग १ ज ६५५५ नम्बरको जीप अनियन्त्रित भई भीरबाट तल खसेको थियो ।