लमजुङको मध्यनेपाल नगरपालिकामा आज आइतवार दिउँसाे टिपर दुर्घटना हुँदा चार जनाकाे मृत्यु भएको छ ।
दुर्घटनामा टिपर चालक धादिङकाे गजुरी गाउँपालिका ६ का विनाेद घिमिरे, गाेरखा नगरपालिका १२ का रविन्द्र सेढाइँ, तनहुँकाे व्यास नगरपालिका ७ का ४५ वर्षीय उत्तम न्याैपाने र सल्यानकाे कुमाख गाउँपालिकाका पारश शाह रहेका छन् ।
मध्यनेपाल ७ सीतीखोलाकाे कल्याणबेसीबाट बतासे चोक जाँदै गरेकाे ढुङ्गा बाेकेकाे बा ४ ख ७७८१ नम्बरको टिपर दुर्घटना भएकाे जिल्ला प्रहरी कार्यालय लमजुङका सूचना अधिकारी एवम् प्रहरी निरीक्षक जगदीश रेग्मीले जानकारी दिए । रेग्मीका अनुसार टिपर सडकबाट तल खसेकाे हाे । ‘उकालो, कच्ची, साँघुरो सडक हुनुका साथै लोड बढी भएर ब्याक भइ टिपर सडकबाट तल खसेकाे बुझिएको छ’, उहाँले भने ।
यो खबर पढेर तपाईलाई कस्तो महसुस भयो ?