तनहुँको म्यग्दे ४ पाडेथोकमा बस्ने ३ महिने बालिकालाई पौष्टिक आहार, खाद्यान्न र आर्थिक सहयोग गरेको छ । हाम्रो नेपाल हामी नेपाली सस्था मार्फत् ति ३ महिने बालिका र उनीका परिवारलाई पौष्टिक आहार, खाद्यान्न सहित नगत रु ५ हजार सहयोग गरिएको हो ।
उक्त परिवारका ३ महिना बालिकाको लागि ६ ओटा ल्याकटोजिन १ बोरा चामल, किलो दाल, नुन, तेल, भुजा,चिउरा आदि सहयोग गरिएको सह संयोजक राजु गौतमले जानकारी दिए ।
गौतमका अनुसार चितवन निबासी टिकाराम लामिछाने र उनका सथिहरुबाट उक्त खाद्यान्न र रकम सहयोग गरेको बताए ।
२ महिनाको हुदा उनकी आमाले सिसुलाई छाडेर गएपछि खुवाने पौष्टिक आहार समस्या भएको र उनीका बुवालाई दैनिकी चलाउन धौधौ परेको कारणले उनीहरुलाई सहयोग गरेको सदस्य मनोज श्रेष्ठले बताए ।
यो खबर पढेर तपाईलाई कस्तो महसुस भयो ?