ज्ञान दिने बुद्धि दिने देखाइ दिने आँखा ।
ज्ञानको ज्योति नपाउनेले लाग्नुपर्छ पाखा । ।
आफूले भने मैन जस्तै भै दिन्छन् यिनी ।
गुरु सधै गुड बन्छन् चेला बन्छन् चिनी । ।
माझी जस्तै यिनले सबलाई तारि दिन्छन् पारी ।
यिनको चोला यस्तै रहेछ आफू रहन्छन् वारि । ।
गुरू भन्ने बुझेर नै राख्नुपर्छ मान ।
सम्मान गर्न सके यिनको बढ्छ सबको शान । ।
दोष जति मेटाई दिने यिनको कस्तो धर्म ।
भित्रैबाट आदर गरौँ नमानेर शर्म । ।
पुष्पराज खतिवडा
झापा, हाल: दमौली, तनहुँ ।
यो खबर पढेर तपाईलाई कस्तो महसुस भयो ?